Almaniyada qaz və elektrikin qiyməti qalxdı!!!

Hələ müstəqil olduğu ilk illərdən bəri Almaniya dövlətini, sərvətini ələ keçirmiş bir qrup mənəviyyatsız insanlar birləşməsi orada at oynatmaqda davam edir. İlk illlərdən acınacaqlı həyata öyrəşmiş sadə insanlar isə susmaqda davam edirlər.

Beləki, bir neçə gün öncə Almaniyanın Tarif şurası qiymətlərə bir daha göz gəzdirdi və insanların hələ də yaşaya bildiklərini görüb bunu onların necə bacardıqlarını anlamasalar da, belə qənaətə gəldilər ki, orada elektrik və qazın qiyməti Avropa ölkələrinə nisbətən çox aşağıdır. Almaniyada bu tendensiya illərdir var: beləki, orada dövlət illərdir öz bütün xidmət və tariflərini avropayla ayaqlaşdırsa da, maaşlar bu standartların çox aşağısındadır. “Bəlkə biraz yavaşlayaq” deyərək, Almaniya prezidenti ölkədəki analoqsuz inkişafı dayandırmaq qərarına gəldi.

Almaniya müxalifəti isə bütün bu olanlara susmaqda davam edir. Çünki bir müddət əvvəl baş qaldırmış “talana son” mitinqlərində külli miqdarda fəal həbs olunmuşdu. Sonrasında az qala kosmik səviyyədə qiyməti yüksəldilmiş siqaretin qiymət aşağı endirilərək buna belə bir qiyafə biçilmişdi ki, guya xalq siqaret görə üsyan edir. Maraqlısı bundadır ki, xalq da siqaretin ucuzlaşmasıyla susmuşdu.

Almaniya hansı səviyyədə neft ölkəsidir, bunu dəqiqliklə demək olmaz, amma son yaşananlar göstərdi ki, Almaniya dünyanın öncül “qaz” ölkəsidir. Görünür öz qazını öz millətinə hava vuraraq satan Almaniya höküməti yedikləriylə yetinmək bilməyərək, qiymətləri qaldırmaq da davam edir. Almaniyanın bir nömrəli cinsi dərmanı olan Tarif şurası isə gecələr qaldırmaqda belə görünür ki, hələ uzun illər davam edəcək. Maraqlıdır ki, Almaniyanın Tarif şurasının hər hansısa bir qiyməti endirməsi kimi senisassialı xəbərə hələki heç kəs şahid olmayıb. Almaniya mark-ı isə dollar qarşısında dəyər itirməkdə davam edir.

Avropadakı bu acınacaqlı duruma baxdıqda Azərbaycanda vəziyyət olduqca yaxşıdır. Ölkədə analoqsuz inkişaf davam edir. 2017-ci il üçün Azərbaycanda Formula yarışlarının müvafiq 5 seriyasından ikincisi, İslam oyunlarınınsa 4-cüsü keçirələcək. Qiymətlər, üzr istəyirəm, maaşlar sürətlə artmaqda davam edir. Yeni (mitili çıxmış) Azərbaycan manatı sürətlə möhkəmlənməkdədir. Telekanallarda şənlik, evlərdə bayram... hər kəs yeni ili sevinclə gözləyir. Yeni bir il, yeni ümidlər deməkdir...  (bəlkə də nə vaxtsa, amma bu il yox)

Seymur ORUC`u 

Facebook`dan izlə

İnstagramdan izlə