Belə bir məşhur deyim var: “Məhəmməd S.Ə.S dirilib gəlsəydi onu ilk öldürənlər müsəlmanlar olacaqdılar”. Bu ifadənin anlamını tam dərk edə bilməyim üçün 22 il yaşamalı və bu yaşadığım müddətdə insanlar və onların inancları haqqında yazılar yazmağa başlamalıydım. Başlamalıydım ki, insanların - əsas da inanclı insanların yazılarıma yazdıqları rəyləri görüm. Ya da daha dərinə gedərək, üzümü biraz daha uzaqlara – Suriyaya, İraqa, Əfqanıstana, İrana və s. İslam ölkələrinə tutub onların güzəranlarına, orada yaşayan insanların düşüncələrinə, yaşam şərtlərinə diqqət yetirməliydim. Yetirməliydim ki, inanmaqla inanmamaq arasındakı o incə cizginin nə qədər həssas olduğunu görə bilim.
Bəzən mənə elə gəlir ki, inancsız insanlar
inanclılara nisbətən daha humanist, daha səmimi, daha insaniyyətlidir. Hər
halda bir insanın edəcəyi yaxşılıqların müqabilində hansısa bir mücərrəd məkanda
hansısa mükafatlar alacağına inanmayanların etdikləri yaxşılıqlar inanların
etdikləri yaxşılıqlara nisbətən daha içdən, daha həqiqi yaxşılıqdır. Bu sözümlə
onu demək istəmirəm ki, bunun əksi də doğrudur. Yəni bu o demək deyil ki,
inanan hər kəs sırf mükafat alacağına görə inanır.
Amma ən təhlükəli olan kəsim də məhz elə onlardır.
Vay halına ki, bir müsəlman cənnət üçün ibadət eləsin, axirəti üçün yaxşılıqlar
eləsin. Dinlə çox da yaxınlığım yoxdur, amma düşünürəm ki, İslamın özündə də bu
tip ibadət düzgün sayılmır.
“Küfür haramdır” deyənlərin onların dinləri,
inancları ilə bağlı azca şübhədoğurucu sual verdiyin zaman sənə küfür
yağdırması, “zina haramdır” deyənin sırf qapanmadan geyindiyi üçün küçədəki hər
qıza “altdan yuxarı” baxması və ilaxır bu qəbildən olan bütün sadalaya biləcəyim
reallıqlar bu insanların özlərinin insanlıqlarına olduğu kimi, elə
inandıqlarına da böyük şübhə yaradır. Belə insanların onların inanclarını
sorğuladığınız zaman üstünüzə qartal təki şığıması, sanki elə bu tip yazılar
gözlədiyi üçün tapan kimi “ancaq ailəsinə uyğun saya biləcəyimiz” söyüşlər
hayqırması normaldı. Çünki insanların inkişafdan geri qalmış sırf bu tipinin
xislətində bu var. Bu insanlar inanclarına şübhə yarada biləcək adicə bir
yazıdan qorxarlar – bu onların özlərində də şübhə yaradar qorxusundan dolayı.
Bu insanlar gözlərini yumaraq adəta kor misalı gəzməyə, yaşamağa, ölməyə öyrəşdikləri
üçün və bu nəsillər boyunca onların genlərinə işlədiyi üçün onlar oturub bir neçə həftələrini sərf edib dinlərinin
kitabı olan Quran-ı oxumaqdansa onu yüksək bir yerdən günah olmasın deyə
asarlar. Namaz qıldığını zənn edən bu tiplər gündəlik 5 (ya da 3) dəfə əyilib
qalxmaqdan başqa bir şey etməsələr də, özlərinin qazanacaqlarını zənn etdikləri
cənnətlə sənə acıq verməyə çalışarlar, amma elə Quranda yazılmış kimi də “onlar
əsla bilməzlər”.
Bu insanlar sorğulamağı sevmirlər. Çünki beyin əvəzi
kəllə qutularına montajlanmış bir neçə yüz qramlıq mürəkkəb “ət” təbəqəsi bu iş
üçün yetərli deyildir. Elə bütün bunlara görə də Suriya, İraq, Əfqanıstan kimi
3-cü, həttə 4-cü dərəcəli dövlətlər bugündədir. Çox da uzağa getmədən onu da deyə
bilərəm ki, ən az 3 insanın taleyini bilirəm ki, ailəsini də götürüb Suriyaya
cihad dalınca getmişdir. Onların hər üçü artıq ölüdür. Yoldaşları da indi kim
bilir oradakı hansısa “allahsevər”-in -
qucağında, üzr istəyirəm – ocağındadır. Uşaqları artıq cihadın övladlarıdır.
Allahla oturub duran sadaladığımız dövlətləri, ya
da elə Azərbaycanın özünü – buradakı haqsızlıqları, özbaşınalığı görüb, bir də
dinin yasaq saydığı hər şeyin yaşanmaqda olduğu qərb dövlətlərini – Norveçi,
Hollandiyanı, Amerikanı və s. və oradakı güzəranı gördükdə, əvvəllər dinlə
bağlı problemin olduğunu düşünmüşdümsə, indilərdə fərqinə varmışam ki, bu nə
Allah, nə də İslamla bağlı deyil, özünü mömin sanan müsəlmancıqlarla bağlı
problemdir. Və ən pisi də bu insanlıqdan payını almamış varlıqlar sənə
inancdan, Allahdan, cənnətdən moizələr deyir. Yaxşılığı insanlıq üçünmü, cənnəti
üçünmü, ya da daha konkret deyərək oradakı vəd olunmuş hurilər üçünmü edir,
bax, burası qos-qocaman bir müəmmadır...
Xülasə, bir şey dəqiqdir ki, əgər peyğəmbər dirilib
gələrsə, nə kafir, nə bir başqası, onu ilk öldürən elə bunlar olacaqdır!
Seymur ORUC`u
Hiç yorum yok:
Yorum Gönder